عمالقة الانترنت

مرحبا بك زائرا ا و عضوا
يشرفنا انضمامك الى اعضاء المندى
سجل ولن تدم لان شعار المنتدى الثقة المطلقة
عمالقة الانترنت

ثقافى اجتماعى علمى تطورى ابتكارى

***(**** تسر شركة الفجر المالحة وكيل شركة تى داتا للانتر نت ان تعلن لعملائها الكرام عن فتح باب التعاقد بأسعار التكلفة والتيسير على عملائها الكرام من يرغب في التعاقد يتصل بالإدارة على رقم 0102404811 مع تحيات المدير أسامة جلال**** )***
***(****اعوذ بالله من الشيطان الرجيم بسم اللة الرحمن الرحيم اَللَهُ لا إِلَهَ إلا هو اَلحي ُ القَيَوم لا تأخذه سِنَةٌ ولا نوْمٌ لَّهُ مَا فيِِ السَمَاوَاتِ وَمَا في اَلأَرْضِ مَن ذَا الَّذِي يَشفَعُ عِنْدَهُ إِلاَّ بِإِذْنِهِ يَعْلَمُ مَا بَينَ أَيدِيهِمْ ِوَمَا خَلْفَهم وَلا َيُحِيطُونَ بشَيءٍ مِنْ علمِهِ إِلاَ بِمَا شاء وَسعَ كُرْسِيُّهُ السَمَاوَاتِ وَالأَرضِ وَلاَ يَؤُدُه حِفْظُهُمَا وَهُوَ العَليُّ العَظِيم صدق اللة العظيمُ **** )***

المواضيع الأخيرة

» مبروك للاهلي فوزه بكاس افريقيا لثامن مره بتاريخه
الإثنين 11 نوفمبر 2013, 5:03 am من طرف Admin

» السيناتور لعيون اشرف باشا
الجمعة 30 ديسمبر 2011, 1:37 am من طرف Admin

» جميع الاحاديث النبويه الشريفة
الإثنين 05 سبتمبر 2011, 10:38 pm من طرف Admin

»  لوقدمت لكم ورقه بيضاء.ماذا تكتبون فيها؟؟
السبت 26 فبراير 2011, 8:59 am من طرف AMANY BAKR

» كل واحد بأصله
الأحد 13 فبراير 2011, 7:35 pm من طرف AMANY BAKR

» ان من يحبك .......
الأحد 13 فبراير 2011, 7:31 pm من طرف AMANY BAKR

» المنتخب يحصل على دورة حوض النيل
الأربعاء 19 يناير 2011, 5:09 am من طرف Admin

» الغراب وكيفية تعليم الانسان دفن موتاه
الأربعاء 19 يناير 2011, 4:53 am من طرف Admin

» ديون وحمير
السبت 11 ديسمبر 2010, 7:41 pm من طرف Admin

التبادل الاعلاني

أغسطس 2018

الأحدالإثنينالثلاثاءالأربعاءالخميسالجمعةالسبت
   1234
567891011
12131415161718
19202122232425
262728293031 

اليومية اليومية


    يوميات شباب اليومين دول ...................

    شاطر
    avatar
    عبودة

    عدد المساهمات : 111
    تاريخ التسجيل : 25/05/2010
    العمر : 28
    الموقع : abdo_taha51@yahoo.com

    يوميات شباب اليومين دول ...................

    مُساهمة من طرف عبودة في الأربعاء 26 مايو 2010, 1:39 am

    المشهد الأول


    · يدخل أبو طارق إلى حجرة ولده طارق علشان يصحيه يروح الجامعة ويخبط على ظهرهه بالراحه




    الوالد : طارق ... طارق .... قوم يا حبيبى فيفتح الولد عيناً واحدة ينظر بها إلى أبيه فى استغراب


    طارق : إيه يا بابا فيه إيه ؟




    الوالد :قوم يا حبيبى عشان تلحق تروح كليتك ؟




    طارق : يا بابا كلية إيه اللى بتصحينى عشانها وش الفجر


    الوالد : وش الفجر إيه بس... يا بنى الساعة داخلة على عشرة ...


    قوم يا حبيبى عشان تلحق محاضراتك



    طارق : يابابا نفض



    الوالد : أعمل إيه



    طارق : يعنى كبر يا بابا



    الوالد : الله اكبر


    طارق : لا يا بابا مش قصدى ... أن بقولك كبر دماغك يعنى



    الولد : يا ابنى قوم متتعبنيش .... مش انت عندك محاضرات مهمة النهاردة ؟



    طارق : يا بابا مهمة إيه بس ... ده كله فى الكلتشة


    الوالد ( متعجباً ) : يعنى إيه كلتشة يا بنى .... انت مش عندك محاضرات مهمة النهاردة


    طارق : يا بابا ... فكك من كلام الستينات ده.... أنا مش قادر أفك رموز وشى



    الوالد : يا بنى قوم أخوك بيقول ان المحاضرات النهاردة عندك مهمة



    طارق : يابابا سيبك منه ... ده واد بيهيس



    الوالد : يعنى إيه .... يعني كلامه صح ولا غلط ؟



    طارق : يا بابا ... ابنك ده دماغه مخرومة ... عمالة تنقط .... متسمعلوش و لما يكلمك سد ودانك لحسن ياكلها .... و الودان اليومين دول غالية يابابا ... ملهاش قطع غيار



    الوالد : يا بنى انت بتتكلم كده ليه ؟


    طارق : يعنى بكلمك بالسيم يعنى .... بص يا بابا عشان خاطر ربنا ... سيبنى أنام كمان خمس ست ساعات عشان أقوم فايق .... أنا كنت سهران طول الليل ... سيبنى أأنتخ شوية


    الوالد : تأنتخ ؟ ... الله يخرب بيتك مش فاهم منك ولا كلمة لا انت و لا أخوك



    طارق : و الله يابابا أنا مأفور خالص و مش قادر ... سيبنى


    الوالد : يا بنى كلمنى زى ما بكلمك ... إيه اللى انت بتقوله ده



    طارق : يا بابا هو انت عشان صاحى بدرى لازم تصحينى أنا كمان بدرى ،سيبنى يا بابا أنا عارف مصلحتى .



    الوالد : مصلحتك ؟ يا بنى انت بقالك ثلاث سنين فى سنة ثانية



    طارق : ظلم يا بابا ، الدكاترة بتاعة الكلية حاطينى فى دماغهم لحد ما عفنت


    الوالد : (وقد بدأ يتغاظ ) طيب قوم يا معفن ... خد لك دوش و افطر و روح الكلية


    طارق : بابا.. اقفل النور و خد الباب وراك .... و أما أقوم نبقى نشوف موضوع الدش ده


    الوالد ( بصوت مرتفع ) : أنت حتقوم و لا حقومك بالجزمة



    طارق ( يجلس على السرير ) : يا فتاح يا عليم .... الواحد لسة معملش استمورننج و بيتهزأ على الصبح



    يخرج الأب و يدخل أخوه وائل فينظر إليه شذراً



    طارق : لازم تديها جاز على الصبح .... شعللتها ؟ ... ماشى



    وائل : هو اللى بيسألنى



    طارق : قوله معرفش ... قوله معندوش زفت محاضرات


    وائل : أكذب يعنى ؟



    طارق : (يضحك بسخرية ).... لأ إنت متعرفش تكدب ... تحب أقوله انك ساقط ، و منجحتش زى ما قلتله و انك بتعيد السنة من غير ما تعرفه ؟



    وائل : ( و قد اصفر وجهه ) لا يا طارق اوعى ....


    طارق : طيب يا حلو .... روح هاتلى سجارة من علبة أبوك أعمل بيها دماغ الصباحية


    وائل : يخرج سيجارتين من جيبه . خد اثنين أهم ... بس اخلص بسرعة قبل ما ييجى تانى .



    طارق : طيب يا إتم .... اختفى من قدامى دلوقت



    يخرج وائل ، و يبدأ طارق فى تدخين إحدى السجائر و هو بعد ما زال على السرير


    ثم ينظر بجواره على الكمودينو و يتناول التليفون و يتصل بأحد زملائه


    طارق : ألو ... أيوه يا هيما .... انت لسة مِكَّحول ... ما تقوم ياواد خليك نشيط


    هيما : يا بنى حد يتصل بحد دلوقت مفيش زوق .... الساعة لسة عشرة و نص


    طارق : فوق بقى .... إيه النظام ؟ الحياة أخبارها إيه النهاردة ؟


    هيما : زى امبارح .... نروح المول ... و ندخل الكافى شوب .... نطلب شيشة ... نشرب لنا كام ستون ..... نعلق حتتين طراى .... أو نلف نعاكس فى المزز


    طارق : طيب نتقابل الساعة واحدة .... متحلقليش


    هيما : حتعمل إيه دلوقت


    طارق : أنا حاخلع من البيت دلوقت و اخرج أصيع لحد ما نتقابل ، عشان أبويا
    ... و لو فضلت موجود حيعملى فيها بروسلى و يضربنى .



    هيما : طيب يـاعم


    طارق : طول عمرك محظوظ .... شاو


    يغلق الخط ... و يدخل أخوه وائل


    وائل : اوعى يا طارق تقول لابوك .... لحسن يرحلنى


    طارق : (ينظر إليه بتعال و كأنه ملك روحه ) خليك حلو معايا أحسنلك ... لحسن أنا لسانى بياكلنى ... و الندالة بتنقح على


    وائل : ( باستجداء ) اوعى يا طارق


    طارق : طيب روح هاتلى الجل بتاعك ... عشان الجل بتاعى بياكل فى دماغى زى مية النار


    وائل : احنا حنبدأ استغلال .... و بعدين انت اللى مابتغسلش دماغك لحد ما باظت


    طارق : خلص يا عم الأمور ... روح هاتلى الجل .... إنجز


    وائل : يا طارق ما انت عندك إزازة لسة مفتحتهاش



    طارق : ياد روح هاتها متبقاش إيحة ... و بعدين انت لابس فانلة فى البرد ده ... عاملى فيها هركليز


    وائل : ( يصرخ و هو يجرى خارج الحجرة ) يا نهار اسود ... دا المكوة على القميص



    يأخذ طارق نفساً من السيجارة و قبل أن يخرجه من صدره يدخل والده



    الوالد : إنت لسة نايم ؟


    طارق : ( لا يرد حتى لا يخرج الدخان من فمه فيراه أبوه و يخفى السجارة تحت البطانية )


    الوالد : يعنى مش عايز تجيبها لبر .... آدى آخرة دلع أمك . هى اللى فسدتك ... لو مخرجتش من البيت و رحت كليتك حالاً حكسر دماغك دى ... إنت فاهم ؟


    طارق : ينظر إلى والده و قد احمرت عيناه و انتفخ وجهه


    الوالد : انت بتبص كده ليه يا واد انت .... جتك البلا فى منظرك ... و يخرج الوالد


    طارق : يخرج نفسه الذى كتمه حتى كاد أن يموت ، و يسعل بشده


    يدخل وائل أخوه فيجده على هذه الحال


    وائل : إيه مالك ؟ حتفطس ولا إيه


    طارق : روح هاتلى كباية مية أبوك كان حيموتنى .... كنت حسافر


    يخرج وائل فيستلقى طارق على السرير يسترجع أنفاسه و يغمض عينيه ... وينـــــــام اةةةةةةةةةةةةةةةةةةةةةةةةةةةةةةةةةةةةةةةة

    وعلى كدة على طول بقة

    مستنى ردودكم
    ....................................................................
    عبودة ماركة مسجلة
    avatar
    AMANY BAKR

    عدد المساهمات : 31
    تاريخ التسجيل : 26/05/2010

    رد: يوميات شباب اليومين دول ...................

    مُساهمة من طرف AMANY BAKR في الأربعاء 26 مايو 2010, 4:42 am

    الموضوع شيق جدا واستفدت منه كتير استدفت انى ما كونش سيس زى الشباب ديه دول عيشين حياتهم اخر حاجه
    Very Happy Very Happy
    وبيحصل فى الحقيقه بس مش اوى وبعدين لازم نكلم بابانا بأسلوب كويس مش اقوله كبر واصلا بابا مش فاهم ايه كبر Laughing Laughing

      الوقت/التاريخ الآن هو السبت 18 أغسطس 2018, 5:15 am